Curtius Rufus berichtet von einer Verhandlung zwischen Alexander dem Großen und Gesandten der Skythen, die die Eroberung ihres Landes verhindern wollen.
 
Legati Scytharum XX nuntiare iubent regi velle ipsos ad eum mandata perferre. Iussi considere in vultu regis defixerant oculos: Quibus, credo, magnitudine corporis animum aestimantibus modicus habitus haudquaquam famae par videbatur.
Quae locutos esse apud regem memoriae proditum est, abhorrent forsitan moribus hominibusque
nostris et tempora et ingenia cultiora sortitis. Sed ut possit oratio eorum sperni, tamen fides nostra non debet. Igitur unum ex his maximum natu locutum accepimus:

"Si di habitum corporis tui aviditati animi parem esse voluissent, orbis te non caperet: Altera manu Orientem, altera Occidentem contingeres et hoc adsecutus scire velles, ubi numinis fulgor¹ conderetur. Sic quoque concupiscis, quae non capis. Ab Europa petis Asiam, ex Asia transis in Europam; deinde, si humanum genus omne superaveris, cum silvis et nivibus et fluminibus ferisque bestiis gesturus es bellum.
Quid? Tu ignoras arbores magnas diu crescere, una hora exstirpari²? Stultus est, qui fructus earum spectat, altitudinem non metitur. Vide, ne, dum ad cacumen pervenire contendis, cum ipsis ramis, quos comprehenderis, decidas! Leo quoque aliquando minimarum avium pabulum fuit, et ferrum rubigo³ consumit.
Quibus bellum non intuleris, bonis amicis poteris uti. Nam et firmissima est inter pares amicitia, et videntur pares, qui non fecerunt inter se periculum virium. Quos viceris, amicos tibi esse cave credas! Inter dominum et servum nulla amicitia est: Etiam in pace belli tamen iura servantur."

Haec barbarus. Contra rex fortuna sua et consiliis suadentium, ne quid temere et audacter faciat, se usurum esse respondet.

¹ numinis fulgor   die strahlende Macht eines Gottes
² exstirpare           entwurzeln
³ rubigo, -inis       Rost